هكذا ودّعت فنانات لبنان الممثلة ليلى حكيم

عبّرت بعض  الفنانات اللبنانيات عن حزنهن لوفاة الممثلة القديرة ليلى حكيم، فكانت لهن الكلمات المؤثرة التالية:

ليليان نمري :”ليلى حكيم ..قولك بعد بكير او هيك العمر بيسبقنا وما منقدر نلحَقوا كل ما غاب من عُمركن إنسان بينكسِّر تاريخ وبتولد دمعة صعبة تغيب بتخِف البَركة بحقلة شاشتنا بخاطرك يا مهضومة وسَلمي عاللي سبقوكي وما تنسي انتِ ورايحة ترشي عطر الوفا الله يرحم ترابك نفسِك بالسما
المسيح قام حقاً قام !”

ماغي بو غصن :”الله يرحمك ليلى حكيم”.

كارمن لبس :”الممثلة القديرة ليلى حكيم الله يرحمك ، وتكون نفسك بالسما ، خسارة كبيرة للفن وللبنان”.

رولا حمادة :”ماما ليلى حكيم عرفت انك من شوي قررتي تروحي على مستوى آخر من الوجود ، عالمحبة والنور المطلقين ، الله معك ، رح اشتقلك”.

لورا خباز :”الله يرحم الممثلة القديرة ليلى حكيم…تكريم السما احلى من تكريم الارض”.

لورين قديح :”‏الليلُ يا ليلى يعاتبُني ويقولُ لي سلِّم على ليلى..سلّمي يا ليلى فكم أصبحت جنّتُكُم مسرحاً يحلو عليه التمثيل،نامي مطمئنةً واتركي لنا البكاءَ”.