شو بدِّك يا دني؟

بقلم: بيرلا سمعان

شو بدِّك منّن يا دني؟ زغار كتير عالحرمان

زرعتي جرح بقلوب، كانت ترسم بالألوان

كان ببالن حلم… صار من كتاب النسيان

سرقتي منّن أهلن، ومعن سرقتي الأمان

جروحن ما رح تشفى، ولو مرّت أزمان

يا دني ما بترحم حدا… دنية أسى وأحزان

ما كفاكي تغدري مرّة! كتابك بالغدر مليان

حربِك دمّرت بيوت كانت تعطيُن حنان

يمكن ذنبن إنّن خلقوا، ببلد إسمو لبنان

كان جنّة هالأرض، صار من البهجة عريان

طمعوا في الحكّام، لي شرّن نار وبركان

غريبة هالدني والأغرب… شو فيك تِئذي يا إنسان!

ما بتعرف رحمة ولا دين، بتعرف تئذي عالعميان

جهلك عمى قلبك، وصار حقدك سلطان

بس ما تفكّر منيأس، والضحكة أكبر برهان

لو مهما تجرّح فينا، عضعفنا حبنا طغيان

رح نضل نحارب بالأمل… تترجع حرّة الأكوان.