نادين نسيب نجيم : أنا مني كافرة أنا بحب “الله” وبخافو
رداً على كل من انتقدها و اتهمها بالكفر، نشرت الممثلة نادين نسيب نجيم عبر حسابها الرسمي على تطبيق “انستغرام”، رسالة بخط اليد، جاء فيها:
“كل سنة كل ما بنزّل صورة للصليب بتنهال عليي التعليقات: انتي كافرة، الله يهديكي، الدين هو فقط بالإسلام، استغفر الله… أنا مثلكن بعبد “الله” بس الأهم من هيك بخاف “الله”، يعني ما بقتل، ما بسرق، ما بأذي غيري بإسم الدين. ما تخافوا مني ولا تدعولي بالهداية. أنا مني كافرة أنا بحب “الله” وبخافو. ادعوا للكفار الدواعش والمتطرفين يلي عم يشوهوا دينكم: “دين الإسلام”. إدعوا لله يهديهم الى الصراط المستقيم. المسحيين إخوة للمسلمين، المتطرفين أعداء المسلمين. شكراً مع حبي واحترامي للجميع”.
وعلّقت نجيم على الصورة: “كل سنة وإنتوا ونحنا بخير… الله يحمينا جميعاً ويخلصنا من الشر من الإجرام ومن الحروب والدماء… السلام لجميعكم”.
وتعتبر نادين نسيب نجيم إحدى أهم بطلات السباق الرمضاني على مدى سنوات وهذه السنة تنافس والممثل السوري تيم حسن من خلال مسلسل ” الهيبة”.
