ليليان نمري لأماليا ابي صالح: صدقيني ارتحتي

يوم اللي زرتها بالمستشفى وما بقي حدا الا ما قال هه
زارتها لتعمل شهرة لحالها
ان زرنا مرضانا مصيبة وان ما زرناهن مصيبة
بس بتذكر تطلعت بفستاني وقالتلي خيطيلي متل فستانك
قلتلها قومي بخير وبخيطلك احلا فستان
وسالتني عن المسلسل اللي كاتبتو من بطولتها
قلتلها والله يا اماليا حتى نلاقي منتج مأمن فينا انو مندخل الضحكة عا قلوب الناس
الله يرحم ترابك النصوص رح تبقى بالجوارير لانو صعبة لاقي حدا غيرك يلعب دور اختي الكبيرة
اليوم بقلك صدقيني ارتحتي مع انو بعد كان كتير بكير يا اماليا
بس العمر والمرض ما بيعرف حدا
لما يدق بابنا غصبن عنا ومش برضانا منفتحلو الباب
الله يسهل دربك ويكون معك
واحلام كتيرة ماتت وما قدرنا حققنا منها شي
بخاطرك والى اللقاء ما بحب قول وداعا لانو الكبار ما بيموتوا ابدا