انت بتعرف انك منك وحيد بهالدني؟
بقلم الياس ع. الأحمر
انت بتعرف انك منك وحيد بهالدني؟
انت بتعرف انو في حدا واقف حدك بكل دقيقة، عم بيعدلك بسماتك، عم يمسحلك دمعاتك وعم بيمشيك خطوة خطوة وهوي ماشي حدّك؟ و وقت يشوف الخطر قريب، يمكن بيرجعك خطوات لورا وبيغيرلك طريق حياتك بس كرمال يحميك!
ما تلومو اذا شي نهار وقعت وانجرحت، ما تلومو و تقلّو وينك تاركني! هو ما بعمرو بيتركنا … هو عايش فينا وساكن بقلوبنا! هو واقف وفاتح يديه، ناطرك تتفتحلو إيديك!
عم تتخايل انو هالكون انخلق كرمالك؟ صدقني كرمالك..! الله قبل ما يخلق هالدني، رسم حياتك قبالو بكل تفاصيلا..لوّن لون عيونك، رسملك ضحكة تمّك، و ركّبلك شعرك شعرة شعرة.
ما تتجاهلو وتعمل حالك مش شايف… لأنو هو شايف وعارف… سلمو حياتك… سلمو قلبك…مش طالب منك أكتر.
