فكّرت نسيت

بقلم بيرلا سمعان

قلبي مش مسؤول

ولا خصّو بل عم بيصير

قلبي مظلوم

وللظالم بعدو أسير

من الحبّ محروم

وبعدو متل الطفل، صغير

كل ما جرّب ينسى

بيزكُر اللي كان يصير

بيزكُر شو كان يشقى

ولكان عَعرشو أمير

هالقلب ما تعلّم يقسى

والوجع بعدو بيزيد

لَيجي نهار ويشفى

ويرجع يحسّ بالعيد

يرجع يحسّ بالدفى

والنار لجواتو تقيد

يرجع لَجفنو الغفى

ويروح بحلمو لبعيد

يسافر لأبعد مدى

رحلة الحبّ المديد

وما يبقى من الصدى

إلّا صوتك يا عصفور

العصفور الحرّ الطليق